ГӀалгӀайчен НИИ керте эттар дика вовзаш вола вай мехкахо
«ГӀалгӀай Ӏоахарганаькъан Ч. Э. цӀерагӀча Ӏилма-тохкама гуманитарни института керда кулгалхо ва Оздой Аьдалгире Джамбулат.
Оздой Джамбулат республике вовзаш ва паччахьалкхен балха даькъ тӀа дукха къахьегарах, из вар сага бокъонаш лораяра викал. НИИ кулгалхо хьожавале хьалха, из болх беш вар мехка Кулгалхочун а Паччахьалкхен а Администраце кулгалхо волаш.
Цул совгӀа, Аьдалгире Джамбулата дешара даькъ тӀа лакха балха говзал я. ХьалхагӀа из вар ГӀалгӀай паччахьалкхен университета юридически факультета декан.
Говзанчаша яхачох, из НИИ кулгалхо хьожавар, республикан Кулгалхо тохкама гӀулакх дегӀадоаладе гӀерташ хилар да, дӀахо Ӏилман даькъ тӀа говзал йола кулгалхой хургболаш.
«Тешаш ва, шун балха говзало, хьалхашка латта декхараш кхоачашдара керда лакхаленаш йоахаргхиларах», - аьлар ГӀалгӀайчен дешара Министра Цхьорой Ахьмад-Башира, ше Ӏилма-тохкама институте керда кулгалхо вовзийташ.
