ГӀалгӀай «Сантос» Москве хиннача зӀамигача футбола яхьашка котъяьлар
04.09.2023 15:13
Москве дӀайихьар зӀамигача футболах йола яхьаш. «Сантос» яха команда котъяьлар цига. Уж хилар Москве ГӀалгӀайчен массазара викал вагӀача мотиге, яхаш, дийцар «Сердало» газетага цигарча болхлоша.
«Шоайла яхьаш дӀахьош, дакъа лоацаш бар Москверча тайп-тайпарча балха моттигашкара спортсменаш. Юххера а, вай командо котало яьккхар «Rage Arena» командагара, чот 5:0 йолаш.
ДикагӀа бола ловзархой бар Оздой Амин, Губадов Эльмир», — йоах хоамо.
Мехкахоша, новкъосташа дег тӀара даькъалабийцар уж цу толамца, дӀахо а цар иштта цу яхьашка аьттув баларга сатувсаш.
