Керда спектакль оттае кийчлуш ба, берий театра актёраш
![](http://serdalo.ru/storage/Tn3NHZWfipPU2E61pmCR1NHiDfsCXpz6m9qtYrP1.webp)
«Дегаза боабашка кӀориг» яха спектакль оттае кийчлуш ба, берий театрера актёраш. Вайна массанена дика бовзаш бола Г. Андерсена фаьлг кердача хьисапе гойта кийчо еш ба, Санкт-Петербургера бийха режиссёр, суртанча, композитор, хореограф.
«Спектаклага товргбола мукъам оттабеш, къахьегаш я композитор йола Гайворонская Дарья. Хореограф йолча Вакуленко Светланас режисёра дер кхы тӀа тоадеш, болх дӀахьош латт», - дийцар тха газетага театре зарбан болх лелабеча ПхьаргӀилганаькъан Марианнас.
Режиссёр йолча Озерская Светланайна спектакль дӀачуяла йисар ши кӀира кхоачаш доацаш ха я. Хьожаш хургда-кх вай, Санкт-Петербургерча хьаьшаша, республикерча актёраша воашта кийчдаьчунга.