ГӏалгӀайчен УФАСа балха лакха мах бир
ГӏалгӀайчен УФАСа Сийлен грамота елар лакхехьа латтача федеральни хьакимаша, 2024 шера баьча балхах мехка доазон тӀарча из санна йолча моттигашта юкъе дикагӀчарех цаӀ хилар чӀоагӀдеш. Дувца совгӀат делар Россе ФАСа баьча балха юкъе лакха толамаш даьха хилар белгалдеш йола коллеги дӀахьош, доалахьара хьаду хӀама дика лорадарах, шоайла яхьебаьнна дӀахьош хинна болх паргӀатта бе йиш йолаш хиларах, яхаш, дийцар «Сердало» газетага цу боахама зарбан болх лелабераша.
Хӏара шера ФАСа мах бу моттигашкарча ший доакъоша беча балха, цу балхах хиннача пайданга хьежжа беш хул из. ГӏалгӀайчен УФАСа хьагойтар, цхьатарра долча хьалашка бизнес дӀаяхьара дика къахьийга хилар; иштта, бокъонах доацаш, моттигерча царца яхьебаьннарашца цу даькъ тӀа къовсам лелабар.
«Из совгӀат ерригача тоабо дика къахьегарах да. Тхо духхьал тхоай болх баь Ӏац, оаха хьаду тхошта карагӀ мел доалар!» - аьлар Россе УФАСа ГӏалгӀайчен даькъа кулгалхочо Тоачанаькъан Батыра.
Сийлен грамота ялар - из да ГӏалгӀайчен УФАСа болхлой лакха балха говзал йолаш хилар, цар ГӏалгӀай Республике шоай болх дика вӀашагӀболлар.
