Ишколанна ийцача хӏамашцара кхоачамбоацараш гучадаьхар УФАСо
Ишколе эшаш йола хӏамаш эцаш дӏабихьача балхаца бокъо йоацараш да, аьнна, баьча хоамах, Магӏалбикерча ишколе тохкама болх дӏахьош хилар УФАС. Из хоам «Сердалога» бенаб мехкарча УФАСа зарбан болх лелаберашкара.
Ишколан администраце массахана цхьан моттигера ийеш хиннай ишкола хӏамаш, цхьацца бокъо йоацараш хоадолийташ. 2 млн сом ахчанна 20 бартчӏоагӏо я цар цу лостамагӏа яьр. Царна юкъе ба ишкол лораярах оттабаь бартчӏоагӏам а.
«Дӏабихьача балхах ахча ханнахьа дӏа ца далар хиннад цига. Дуккха бетташ доахаш, ахча гоадаьд ишколан администраце, хӏаьта цхьацца йола моттигаш вӏалла ахча дӏа ца луш а я. Шоаех бола тешам боабеш, гӏулакх да цар дӏахьекхар.
Цу хӏаман бехкебараш бехктокхаме озаргболаш дӏахо дӏачуденнад цу гӏулакха каьхаташ. УФАСо тӏахьожам лоаттабу, республикерча ӏаьдала моттигаша кхоачам эцара болх бокъонца боаггӏача боараме дӏахьош бий хьожаш», - дийцар тха газетага УФАСе.
