«Ингуштранспорт» нах дӀа-юха кхувлара кхерамзле чӀоагӀъеш я
«Ингуштранспорт» оалача предприяте лаьрхӀад, нах дӀа-юха кхувлара болча балха даькъ тӀа кхерамзлен Ӏалашо чӀоагӀъе. Еррига транспорт федеральни реестра юкъейоалаяьй, эшаш йола технически кхерамзлен Ӏалашо а яьй, законо дӀадехаш ма хиллара, яхаш, дийцар ГӀалгӀай Паччахьалкхен зарбан болх лелабераша.
ХӀара дийнахьа болх дӀахьу транспорта кхерамзлен Ӏалашо йий, терроризма духьалара чӀоагӀо йий хьожаш.
Предприяте, цу даькъ тӀа къахьегаш лаьрххӀа бола болхлой ба «Кхерамзлен академе» дийша.
«ДукхагӀа терко тӀаяхийта еза водителаш бехктокхаме хилара, уж лелача наькъа, царца наха деча къамаьла. Сога хаьттача, нах дӀа-юха кхувлаш йолча транспорта тӀа болх беш бола нах кхетадеш хила беза, шоаш дӀабугаш бола нах а цар могашал а шоаех тийша йолга», - аьлар ГӀалгӀайчен Кулгалхочо.
«Ингуштранспорт» яха предприяти дӀахо а наьха кхерамзлен Ӏалашо яра, царна дика хьалаш хилийтара болх тоабеш я.
