ГӀалгӀайчера гуманитарни новкъостал дохьийтаргда Запорожье
ГӀалгӀайчен Ӏаьдал кийчлуш да Токмакски кхаленна гуманитарни новкъостал дахьийта. Цунна чуйоагӀаш я гӀишлон материалаш, инструменташ, электроконвектораш, иштта кхы дукха хӀамаш.
ГӀалгӀай Республикан Кулгалхочун, Паччахьалкхен зарбан болх лелабераша яхачох, цу новкъосталца цар таро хургья дукха оагӀонаш чуйоагӀаш йола профессиональни-технически дешара гӀишло тоае.
«Эшача накъавалар, новкъостал дар ГӀалгӀайчено даим а леладеш хиннад, дукхача ханашка денз. Республика, дукхача къамий мехка цхьа дакъа ше хиларах тарра, дика терко лоаттаеш я новкъостал эшача регионашта», - аьлар ГӀалгӀай Республикан Кулгалхочо Келаматанаькъан Махьмуд-Ӏаьлас. Иштта белгалдир, цу новкъостало Токмакски кхален бахархой вахара хьалаш кӀеззига мукъагӀа аттача доахаш хиларах, ше тешаш хилар.
