Царгий лораш дагабаьлар
Балха тӀа накъадаргдар дувцаш
Укх деношка Наьсаре вӀашагӀкхийтта хилар вай республике тайп-тайпарча моттигашка къахьегаш бола царгий лораш. Из санна йола кхетаченаш цар каст-каста чакхъяха лаьрхӀад, шоашта ховр, балха тӀа эшаргдар дӀа-юха дувцар духьа а, говзал лакхъяр духьа а. Укх наькъа царгашта дарба дарца дувзаденна дешаш дувцаш, къамаьл дир шин сага, Магасе къахьегаш йолча Ӏарчакханаькъан Заремаси, Шолже болх беш волча Гандаранаькъан Микаилеи.
Заремас ший къамаьла юкъе дукхагӀа теркам тӀабахийтар «Вайнаха юкъе болх беча царгий лореи цун гӀончани юкъерча бувзама» хетаяьча теманна. Гандаранаькъан Микаила дийцар царгашта пломбаш нийса мишта увттае еза.
Кхетаче чакхъяьлар гулбеннарашта балха тӀа ха дезарех лаьца кхетам, хьаькъал луш. ТӀехьа тӀайоагӀача хана, кхыча лораша дувцаргда царгашта шоаш дарба деш пайда эцача наькъех лаьца.
