Белоруссера ена ярмарка
Куц-сибат доаккха барзкъа
Укх деношка вай республике ба Белоруссерча Брестера баьхка хьаьший, цар шоашца енай наха безаме хургйола Ӏай дувхадеча барзкъан а когагӀирса а ярмарка. Цун керте латтар ва дохкархо-менеджер вола Пудовкин Александр Сергеевич. Цунца вена ва кхы а ши дохкархо.
Цар дена барзкъа хьаду моттиг я Брестера «Эмальт» яха фабрика, цун тхов кӀалха хьаю тӀоарска курткаш, плащаш, чура сайса газа цӀоках яь полтош, «Аляска» яха нейлонах я курткаш. Цар размераш бе-бе я, 44-74-га кхаччалца. Уж маӀача наха а кхалнаха а лаьрхӀа я. Цул совгӀа, ярмарке ба Белоруссе хьабаь тайп-тайпара когагӀирс. Из ортопедически оагӀув теркалъеш баь ба. КогагӀирс а тайп-тайпара боарам болаш, 36-ча размерагара 49-чунга кхаччалца ба. Царна юкъе я 60 тайпара иккаш, ботинкаш, кхыяраш.
ДукхагӀа вайцигарча наха хеттараш Ӏай ювхаю полтоши курткаши я, яхаш, дувц Пудовкин Александра.
Ярмарка хургья «Матрица» яхача кинотеатре, кӀиранденга кхаччалца.
