Ма етта баьцех цӀераш!
Уйла еш хила лаьтта лелача садоаллача хӀамай
ХӀара шера бӀаьсти, гурахьа вай мехка доаржадаь во гӀулакх да, йокъаеннача баьцех цӀераш еттар. «Сердало» газетага а, иштта кхыйолча моттигашка а гӀолла, дукхаза кхайкарал даьд бахархошка; дита из во, лаьттан зе деш дола гӀулакх, яхаш. Бакъда тамаш яйташ да, даггара из дӀадувццаше, цӀераш йоаржаеш латтар.
Йоккхача Ачалкхе Ӏочубодача новкъа дада оахамаш йоккхача цӀерашца лотадаь доагаш дар, никъ бизза кӀур этта. Даиман хьлхадоахаш латташ да хӀара шера, укх хана баьцашта кӀалха, лаьттан кӀалха йоахкача къоргашка пхьагалий хӀетта хьаяьха зӀамига кӀоригаш яда, баьцашта юкъе дукха зӀамига дийнаташ лел, оаш еттача цӀераша доагаду уж, яхаш. Хеталу, Ӏаьдало из гӀулакх леладе бокъо луш ца хилча, малашб селлара майрабаьнна уж цӀераш еттараш?
Вай зувш да, лакхе хьоахадаьча хӀамай вӀалла уйла ца еш, цӀераш еттараш дукха болга. Дийнача хӀамашта Ӏазап деш, цар вахар хоададеш дола гӀулакх леладеш вола саг, Даьлах кхераш хила веза эггара хьалха! Дала могийтаргдац вайна из хӀама! Цул совгӀа, йокъаенна баьцаш йоагаяро лаьттан беш пайда бац, зе мара!
Из массахана белгалдеш да цу оагӀонцарча болхлоша. Керда, баьццара буц; йокъаеннар кӀалха юсаш; урагӀйоагӀа, уйла еш хила, лаьтта лелача садоаллача хӀамай.
