Царех дукхагӀбараш Эккажкъонгий-Юрта болхаш ба. Цу юрта йодаш автобус яц моттаргда дувцаш дола гӀулакх ца довзача нахá. Шиъ-м я, Эккажакъонгий-Юрт-1, Эккажакъонгий-Юрт-2, яхаш, хьона езача миӀинге дӀакхоачаву цар, Сурхо тӀа водача оагӀорахьа даьча кердача цӀеношкара дӀаийккхача. ТӀаккха хӀана лелац Эккажакъонгий-Юртара базархой шоай автобусаца, Магасе йодача машена тӀа хӀана хувш уж? Цу юртара шаккха автобус базар тӀа хьалйодац, къаьнара автовокзал йолчара юхаух уж. Цудухьа Магасе болхача наха Ӏаьржа ди тӀаоттаду цар, цӀакхаьча балале, уж цхьан кога т1а латташ баха безаш хул.

Царех цаӀ мукъагӀа базар тӀа кхаччалца хьалйодаш хилча, из хургдацар. Цхьа рейс мара яц е езар а (18. 30), тӀаккха нах а раьза хургбар, водителашта а дуккха аттагӀа хургдар болх бе, хӀана аьлча цӀаболхаш бола нах водитела кабина чу а мотора тӀа а багӀаш хургбацар. Цул совгӀа Ӏаьдала раьза боацараш а кӀезигагӀа хургбар.

Москве а, Питере а, Самаре а самолёташ лел вай, йоах наха, укхаза Магасе йода автобус вӀаштӀехьаяккха магац хьакимашта. Цкъаза моттиг къайсе, дов эккхаш а хул. ХӀаране, Ӏо а хайна, паргӀата цӀаваха безам ба, балха ди даьнначул тӀехьагӀа, цу тайпара таро вай республикерча бахархой яц. Цхьайолча хана, цу чу дӀачу ца воалаш, вус хийла маӀа саг, хӀана аьлча берашха кхалнах гӀувттабе безам боацандаь. Магасе дийнахьа лерттӀа цхьа рейс яйта а ца моге, сенна еза АТП а цунна кулгал ду болхлой а.

ДӀахо дӀайодача хана, шоаш укх къаман а наха а сагота бале, цу дешага хьажа беза цигара гӀулакха тӀара нах. Цу тайпарча автобуса чу шозза-кхозза хьал-1о воде, унахц1ена саг вусаргвац цу чу хиннарех.