ГӀалгӀайчен 100 шу дизар дездеш, Маьтлоам тӀа бала лерхӀ бахархоша
ГӀалгӀай паччахьалкхен 100 шу дизара хетадаь, Маьтлоам тӀа бала лерхӀ вай мехкахоша. Кагирхой политикахи туризмахи йола министерство я цу гӀулакха керте латтар.
Къилбаседа Кавказерча моттигашкарча 1,5 эзар совгӀа сага дакъа лоацаргда цу юкъе. Из хоам тха газетага бир ЖӀайрахьа кхален администраце. Маьтлоама лакхе хӀама даа моттиг хургья, из бӀаьха никъ баьрашта. «ГӀалгӀайчен 100 шу дизара хетаяь тайп-тайпара кхетаченаш хургья республике. Ахкан хьалхарча бетта 22-ча дийнахьа, Къилбаседа Кавказерча моттигашкара 1,5 эзар саг юкъе волаш, Маьтлоам тӀа баргба нах.
Теркалде деза, цу лакхе урагӀхьош бола никъ атта хургбоацилга. МЧС болхлой, лораш юкъе болаш дӀахьоргда из гӀулакх», - дийцар тхога кагирхой политикахи, туризмахи йолча министерствонна кулгал деча Малсаганаькъан Адама.
