ВорхӀ шера набахта валла ха техар зуламхочоа
Ӏаьдала болхлочоа низ беш, духьале яьча; ший цӀен-наьна могашала зе даьча зуламхочоа, набахта валла 7 шу ха техар. Из хоам «Сердало» газетага бир республикерча СУ СК.
«МВД болхлоша дӀабихьача тохкама балхах, 2023-ча шера ахкан хьалхарча бетта 1-ча дийнахьа, Наьсарерча ше вахача квартире цӀен-наьнаца дов даьлча, цун могашала зе деш хӀамаш йийттай цо. Массехк кӀира цул тӀехьагӀа даьлча, сага го йиш йоацаш дола цун сурташ гаргарча нахага дӀакхахьийтад, тӀаккха интернета оагӀонашка Ӏочуувттадаьд», - йоах Ӏаьдала болхлоша.
Из деррига кхостадаьчул тӀехьагӀа, Наьсарерча ОМВД ше Ӏочувоалавича, цу чурча Ӏаьдала болхлочоа низ баьб. Деррига тохкаш болх дӀабихьачул тӀехьагӀа, ворхӀ шера набахта валла ха техай судо цхьаккха хӀама бе доацаш, эхь яйна кхестача зуламхочоа.
