Дукха ха йоацаш хиннача йийллача эфире ГӀалгӀайчен Кулгалхочо из дехар сиха кхоачашдар тӀадиллар Магаса кулгалхочунна. Цул совгӀа, кастлуш наха лелаш аттагӀа хилийта дагахьа, ши метр шера гӀашлой никъ а булларгба цига. «Вай массахана хьалъеш латт берий бешамаш, ишколаш, доал деча даькъ тӀарча кулгалхой керттера декхар да массайолча вахаре эшача гӀишлошта тӀабодаш бола никъ лерттӀа хилийтар», - аьлар ГӀалгӀайчен Кулгалхочо. Федеральни бюджетера ахча хьожадеш йола «Кхерамзлен дика машина наькъаш» яха къаман проект хилар бахьан долаш, вай таро я шергара шу массаза доал мехка наькъаш тоаде. Цо ший аргӀагӀа аьттув хулийт доал деча даькъ тӀарча ахчах кхыдол лоархӀаме гӀулакхаш де, урамаш, гӀашлой наькъаш, къаьстта берий бешамашта, ишколашта тӀадолха наькъаш тоаде.