Керда дешара шу дӀадолалуш, Дошлакъий-Юрта керда гӀашлой никъ хургба
Наьсарен шахьара Дошлакъий-Юрта, кастлуш керда гӀашлой никъ Ӏобулларгба №9 йолча юкъерча ишкола тӀабодаш, яхаш, дийцар «Сердало» газетага доал деча даькъ тӀарча зарбан болх лелабераша.
«Дошлакъий-Юрта Къоастой урамах наькъа такилг цахилар дукхача наха дагадоаллаш дар. Цар дукхаза дехар даьдар; цу даькъ тӀа из никъ Ӏобилла, яхаш.
Цу урам тӀа дешара моттиг хиларца дувзаденна, из ца хилча баргбоацаш бар. Укх деношка, шахьара кулгалхо Йовлой Урусхан вахар цу юрта, цун къамаьл хилар куран кулгалхочунца Къоастой Р., цар дийцар цига бе безача балхах. 900 метр бӀаьха, 1,3 метр шера никъ ба из. Из болх баь баргба дешара шу дӀадолалуш», - йоах хоамо.
Иштта белгалду, центральни административни куран кулгалхочунца Оздой Р. Из хилар Базорканаькъан проспект тоаеш латтача ваха. «Вахар, шахьара хьалаш» яхача проекта чуйоагӀаш; тоаяьй йоазонхочун Базорканаькъан Идриса хетаяь сквер. Сердал луш дола гӀирсаш, дика тоабаь никъ, арт-гӀишлош, гӀандаш, нувхаш чукхувса яьшкаш - из деррига а кастлуш цу даькъ тӀа хургда.
