Хоам бу, зIамигача библиотекашта новкъосталдар болх — «Единая Россия» парте укх итта шера а дIахьош ба, юрташкарча а шахьарашта а библиотекашта а кинижкаш луш. Цига дIакъалоацаш ба депутаташ, парте мугIарерабараш, бартбола юкъера организацеш, цу гIулакхах доглаза нах.

Цу балха тIахьожам лоаттабеча «Керда школа» яха проект еча Ганижева Мадинас яхачох, библиотекаш доккха дакъалоац эрсий классически литература тIехьле тIехьтIабоагIача ноахалга кхачийтара.

Цудухьа, кхайкарал ду аз цу гIулакха юкъе дакъа лацара, вай республика библиотекай фондаш дегIайоагIаргйолаш, — аьлар цо.

Хьалхадоакх, 2021 шера кхоалагIча марте РФ № 608 йолаш арабаьннача соцамах чIоагIдаьд 2030 шерага кхоачаш Российски Федераце библиотекай фондаш чIоагIъе аьнна. ДукхагIча даькъе цу юкъедоагIа юртарча библиотекаша наха эшача кинижкашца 40% Iалашо яр. Цу гIулакха лаьрхIа библиотекаех е лаьрхIад хIанзарча ханара центраш, мел эшача техникаца Iалашо а яь, библиотекай фондаш хьалйиза, шера 12 млн керда кинижка арахецаш.

Тахан паччахьалкхен боарам тIа библиотека болх дегIабоалабара новкъостал ду. Библиотека ахчанца новкъосталдар лакхденнад 2012 шера 40 миллиард хинначара 2019 шера 72 миллиардага кхаччалца. Интернет хьаяьй шозза дукхагIча библиотекашта (2012 шера 42%, 2019 шера 84%). Эксперташа яхачох, Къаман электронни библиотеке наьха ахар лакхденнад (НЭБ) 2017 шера ши миллион хинначара 2019 шера 5 миллионага кхаччалца.