ГӀалгӀай къаман
юкъара газет

Кердадараш

Чамалха яхача юрта, хьаста тӀа бодаш, никъ биллаб

Эггара Ӏалама хозагӀча моттиге уллача Чамалха яхача юртарча бахархоша дехарах, вай Ӏаьдало цига тешаме, дика никъ Ӏобилла лаьрхӀар, яхаш, дувц «Сердало» газетага Шолжа кхален администраце.

«Из вӀашагӀделлар, цигарча хьаста тӀа бодаш никъ хургболаш. Цун бӀоахал 750 метр я. Хьалхарча аргӀагӀа тӀера наькъа оаса хьал а баьккха, моллагӀа хаоттам оттарах дика дӀавохалургвола никъ Ӏобилла хьежар. КӀалха кийчо а яь, жагӀа Ӏобилла, никъ дика ӀатоӀабаь мара тӀера асфальт Ӏобиллабац», — аьлар хоамо. 40 сантиметр сома бола никъ; дукха накъабоалаш хургба, аьнна, хет. АргӀанара болх дӀабахьа лерхӀ, хьаст тоабеш, массаболча наха цигара чам бола хий дӀакхоачаргдолаш, цудухьа хий хьалацара хьаста тӀа бода никъ тоабергба. Цу дерригне таро хулийтаргья туристий терко тӀаоза, цул совгӀа, хьамсара юрт а дегӀайоагӀаргья, хьабаьхкача хьаьшашта хозне гургья.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде