Каратэх йолча яхьашка, котваьлар вай мехкара кадет
14.11.2023 09:33
Дерригача дунен тӀа дӀахьош хиннача каратэх йолча яхьашка, доша майдилг яьккхар вай республикерча кадета Ӏелджаркъанаькъан Адама. Из хоам «Сердало» газетага бир кадетски корпуса болхлоша.
«Укх бетта 4-ча денгара 12-ча денга кхаччалца Орёл яхача шахьаре дӀахьош хилар уж яхьаш. Дунен тайп-тайпарча миӀингашкара 2500 спортсмен вар, цига дакъа лоацаш. Вай республикера цига ваха хилар кадет вола Ӏелджаркъанаькъан Адам», - йоах тхогарча хоамо.
Лакхача боараме дӀахьекхар вай мехкахочо ше цига. 50+ кг дозал долча спортсменашта юкъе хьалхара моттиг яьккха, дошо майдилг ера цо республиканна.
