Келаматанаькъан Махьмуд-Ӏаьла: Из гӀалгӀай а балкхарой а юкъара сагото я
Белгалдир 81-гӀа балкхарой къам мехкахдаьккха шу. ГӏалгӀайчен кулгалхочо Келаматанаькъан Махьмуд-Ӏаьлас, ше кхайкарал деш, белгалдир, из исторе балан оагӀув я гӀалгӀай а балкхарой а, аьнна. Цу балано вӀашкаэар гӀалгӀай, балкхарой къамаш.
Келаматанаькъан Махьмуд-Ӏаьлас яхачох, шинна къаманна тӀабенача балано дикагӀа йола сага оамлаш йоа ца еш, цох чакхбовла низ кхачийтар. Шоайла вошал хеттар, Даьхенцара безам биц ца беш.
Мехка Кулгалхочо иштта белгалдир, таханарча дийнахьа балкхарой, кхыча къамий викалашца цхьана, ГӀаьбартой-Балкхарой таронаш тоаяра тӀехьа болаш, къахьегаш ба, вахара-экономически оагӀорахьа республика дегӀайоалаеш.
Къаьстта теркам тӀабахийтар Келаматанаькъан Махьмуд-Ӏаьлас КБР столицанна, - Къилбаседа Кавказе хозагӀчарех цаӀ лоархӀаш йолча - Нальчика.
«Укхаза деррига культурни хьалашца, керда гӀишлош хьалъярца дувзаденна да. Хозача Ӏаламо, белабенна болча моттигерча бахархоша безам тӀаоз укхаза дукхача мехкашкарча, шахьарашкарча туристий», - аьлар Келаматанаькъан Махьмуд-Ӏаьлас ший бувзамий оагӀонашка.
