Келаматанаькъан Махьмуд-Ӏаьла:Укх деношка ГӀалгӀайче кхоачаргва 100 палестинхо
Кастлуш лоархӀаме ха хургья ГӀалгӀайче, палестинера хьалхарча тоабах вола 100 саг кхоачаргва вайцига цӀермашинаца. ГӀалгӀайчен кулгалхочо Махьмуд-Ӏаьлас белгалдир, республике палестинера беха нах чуэцара гостиница кийчъяь хиларах, иштта цунах йоагӀаш йола чӀоагӀо яьй. Цул совгӀа, кхоачашдаьд Палестинера бехача наха ахчанца а, чуӀе фусамца а дувзаденна хаттараш, яхаш, дийцар ГӀалгӀай республикан Кулгалхочун, Паччахьалкхен зарбан болх лелабераша.
«Республикан Кулгалхочо кхайкарал дир боахамий кулгалхошка, халача хьалашка биса нах тӀаэцара, ГӀалгӀайче уж Ӏергболча юкъа царна йоагӀаш йола терко е, аьнна. Вайна ховш да, цар мехка эттар унзара хьал долга, цига 5 эзар совгӀа бер деннилга», - йоах хоамо.
ХьалхагӀа хоам баьбар дикача гӀулакхий акцеш дӀахьош хиларца дувзаденна, ГӀалгӀайчен шахьарашка, кхалешка 150 тонн совгӀа гуманитарни новкъостал гулдир, из доацаш 80 миллион сом а вӀашагӀтехар Палестинерча бахархошта.
Цо хьагойт кӀалвисачунна новкъостал дара вай кийча хилар.
