Ше кхайкарал деш республикан бахархошка цо дийцар, цу ден лерхӀам мел чӀоагӀа ба, ше боккхача мехках дӀакхетарал совгӀа, цун политически, культуран вахара мах бараш цхьана хиларах.

Вай хьаькъал долча къоаноша сиха а нийса а хоадам баьб, цунца цхьана дукхача бӀаьшерашка хьамсара мохк тоалаш хургбола кӀийле а еш.

Мехка кулгалхочо яхачох, из бахьан долаш ГӀалгӀай Республика хьакхеллар, вай паччахьалкхе я. Цунца цхьана Махьмуд-Ӏаьлас белгалдир, дукхача шерашка гӀалгӀай къам йоккхийча халонех, толамех, коталонех, карагӀдаьннарех чакхдалар.

«ГӀалгӀайчено, бӀаьш дошо мугӀараш яздаьд цун исторе оагӀонаш тӀа.

Цун викалаша къахьегамца, доккхийча, турпалхошта карагӀдоаларашца Россе вахара-экономически дегӀаяра юкъе доккха дакъа лаьцад», - аьлар Келаматанаькъан Махьмуд-Ӏаьлас.