Мехкада: Балкхарошцара вай бувзам, барт чIоагIа, тешаме ба
28.03.2025 12:28
Къаман мохк меттаоттара Денца даькъалабийцар балкхарой вай Мехкадас Келаматанаькъан Махьмуд-Iаьлас. Ший къамаьла юкъе республикан кулгалхочо белгалдир, хийрача мехка дукха халонаш, Iазап текха мехка баьнначул тIехьагIа ГIаьбартой-Балкхарера шоай вахар кердача низаца, уйлашца хьаоттадеш из къам лаьтталга.
«Тахан боккхача низаца шоай мехка хьал тоадеш хьабоагIа уж»,- белгалдир Мехкадас. Иштта ГIалгIайчен кулгалхочо теркалдир, вай къамани балкхароштеи юкъера барт, безам массахана чIоагIа хиннилга, дIахо а иштта хургболга. Иразе, аьттонца, беркатаца баха даькъалабийцар Мехкадас балкхарой.
