Мехкадас дийцар, ГIалгIайчени Белоруссени юкъерча бувзамий лоархIамах
![](http://serdalo.ru/storage/dtYi6b76hMDU1W0MOTXEIRRaSdsli1tfRxtrexgX.webp)
Шоайла бувзам лелабеш хиларах, Белоруссеи ГIалгIайченои экономика дика дегIайоалаергья. Из хьалхарча аргIагIа юртбоахам, промышленность, туризм, лакхара технологи я, яхаш, дийцар «Сердало» газетага ГIалгIайчен Кулгалхочун, Паччахьалкхен зарбан болх лелабераша.
«Белорусси - из тешшаме мохк ба, чIоагIа кулгалхо а волаш. Из Россе тешшаме новкъост ва, дукхача шерашка бувзам лелабеш хьавоагIа. Вай воайла дIа-юха эца а Iомаде а хIама да, цу даькъ тIа дукха хургдолчох хьабаргбола пайда гу сона.
Вай хьалхара гIа баьккхаб - цхьана балха тоаба вIашагIъеллай, коммерчески даькъ тIа каьхаташта кулг яздаьд, кхы а цхьацца йола проекташ я цхьана дIаяхьа лерхIаш», - аьлар мехка Кулгалхочо. Иштта цо белгалдир, кастлуш цхьана дIахьош йолча проекташка, ГIалгIай Республикан 100 шу дизара чудоагIаш; Белоруссен, ГIалгIайчен культурай денош цхьана дездергхилар.
Цул совгIа, дикача фун хьайбаш леладар, хьайбай препараташ арахецар кхы а дукхача хIаман даькъ тIа балха говзал дIа-юха эцар дIадахьа лерхI. Белоруссе спортсменаш ГIалгIай ловзарашка дакъа лоацаш хургба.