Шоана ма харра, карарча хана Россе Федераци ТӀема Низаш Украине демилитаризаци, денацификации яра лаьрххӀа операци дӀахьош да.

Россе цхьаккха саг вац е хиннавац шин паччахьалкхен юкъера къовсам безаш, хӀана аьлча дукхача шерашка шин къаман культура, истори айхха бувзам лелабеш хьадоагӀа.

Операци дӀаяхьар динза дарг доацача даьлар, хӀана аьлча из дукха къамаш дахача вай паччахьалкхен кхерамзлен хьокхалуш дар.

Из хьал мел боккха геополитически кхерам болаш ба кхеттде дез, хӀана аьлча НАТО тӀема блок тахан е кхоана Россе доазон тӀа отта тарлу. ХӀаьта из духхьала танкашца, фен кемашцара кхерам хинна ца Ӏеш, ядерни герз а да. Цул совгӀа кхерам ба кхыйола культура хьалхаяхар, вай истори, вошал дӀадаккха гӀортар.

Россе салтий, офицераш, уж вай ГӀалгӀай мехкара кагийнах а ба, шоай балха декхараш кхоачашдеш, тахан Донбасса бахархой кхерамзле а бокъонаш а лораеш латт. БӀарчча бархӀ шу даьккхад ДНР, ЛНР бахархош Украине Ӏаьдал дӀалаьца болча националистах кхераш. Из дӀахо иштта дӀадаха йиш йолаш дацар, цхьаккха жоп доацаш.

Россе Федераци Президента Путин Владимира нийса, лоархӀаме соцам бир, Украина машара вахара тӀа хьатӀайоалаяра, тӀема операци дӀахьо, лоалахара паччахьалкхе милитаристки, националистически иделогех мукъаяьккхара къахьег. Россе эскараш тахан низ кхоаччара ду машаре наьха кхерамзле лораяра.

Россе оагӀорахьара тӀема операци дӀаяхьара керттера декхар да- шоай а кхыйола а паччахьалкхенаш ядерни низа пайда эцара лораяр, хӀаьта из меттиг гаргайоагӀа Украина ядерни йоацача цӀерах араялар дӀакхайка даьчул тӀехьа. Цу тайпара герз шоай паччахьалкхен кхела уйла еш боацаш болча политикай кара хила йиш яц.

ГӀалгӀай мехка бахархой дог теӀа ба, цига леш латт бӀухой а машаре нах а дагабоахкаш. Хьежаш да, лаьрххӀа тӀема операци дӀаяхьара уж декхараш кхоачашхинна, къовсам сихха дӀабарга хилара.

Тахан берригаш лакха граждански кхетам, патриотизм гойташ, эттача хьала дика кхеташ хила без.

Россе бахархой тахан цаӀаш ба, хӀаьта ГӀалгӀай мохк, цун бахархой Сийлахьа Даьхен дакъа да.

Россе Ӏаьдал ма даггара къахьегаш да этта хаттар дӀакъовлара, пайда ийбу иштта дипломатически, къамаьл дера каналех а.

Хьамсара мехкахой, карарча хана геттара лоархӀаме да тайп-тайпарча провокаторашта, харцо ювцача наха ца тешар.

Массаза санна, вошал леладеш, цхьоагӀо лораеш, паччахьалкхен низа тешаш даха дез вай. Тахан массо оагӀорахьа зуламхой ба доацар дувцаш, цхьацца хӀамаш карагӀадаха гӀерташ.

Вай дахар экономически а политически а чӀоагӀа паччахьалкхе е. Цунах тешал деш да хьалхашка эттача йоккхача халонашта дика жоп луш из хьайоагӀаш хилар.

Догтийша ва, вай Сийлахьа Паччахьалкхено ший стратегически декхараш кхоачашдерга хилара! Вайбараш буташ оамал вай цхьаккха хинна яц!