ГӀалгӀайчен Кулгалхочо ше тӀахьожам лоаттабу, берашта-заӀапхошта лорий новкъостал мишта ду хьожаш
«ЦаӀ йола Росси» яхача парте нах тӀаийбу ди долаш, дукхача хана денз шийна хьалхашка нийслуш дола хаттар дахьаш ера моттигерча берий-заӀапхой даьй-ноаной организаце кулгалхо Къоастой Залина. Цу моттиге могашал йоацаш 1784 бер да.
ДукхагӀча даькъе дувцар да, организацена чудоагӀаш дола бераш тӀачӀоагӀдаьча царгий лора кабинета хьал. Из цаӀ мара яц, болх беш а массаза хилац, аьлар «Сердало» газетага ГӀалгӀай Республикан Кулгалхочун, Паччахьалкхен зарбан болх лелабераша.
«ГӀалгӀайчен Кулгалхочо тӀадиллар унахцӀенон министерствонна лорий нах тӀаэцара болх лерттӀа вӀаштехьабаккхар. Къаьстта берашта эш сиха хьакхоачаш дола лорий новкъостал, уж шоай кхоачамбоацарашца цхьана, дукха ха йоаккхаш, хьежаш, юстара бита йиш яц. Из хила йиш йолаш дац!» - аьлар хоамо. Мехка Кулгалхочо иштта тӀадиллар заӀапхой, могашал яйна нах тӀаэцара дарбанчешкара хьал миштад а хьежа, цунах бола хоам шийга хьакхачийтар. ГӀалгӀайчен
Кулгалхочо уж деррига хаттараш ший теркаме ийцар.
