Мехкада: Дагабалара йола Центр хьаеллар - доккхагӀа ноахал хьаллоаца керттера гӀа
03.04.2025 19:23
ГӏалгӀайчен кулгалхочо Келаматанаькъан Махьмуд-Ӏаьлас МагӀалбика кхале доккхагӀа долча ноахала къамаьл дергдола Центр хьаелларах дийцар. Ши шу хьалха Наьсаре цунах тара йола моттиг хьайийллар, хӀанз из проект дӀахохьош я.
Кердача центро пенсионерашта таро лургья шоай ха дика дӀаяхьа, культуран кхетаченашка дакъа лоацаш, тайп-тайпарча къамаьлашка ладувгӀаш. Укхаза иштта библиотека, компьютерни классаш, салоӀа моттиг хургья.
«Из центр хьаеллар - вай къоаной хьаллацара боаккхаш бола гӀа. Цо таро лургья царна шоай хьашташ кхоачашде», - аьлар Мехкадас, Центр хьаелларах дувцаш.
