Терроризма духьала къовсам лоаттабеча комиссеца, кхетаче дӀайихьар вай Мехкадас
22.01.2025 01:52
Терроризм яхача зулама духьала къовсам лоаттабеча комиссе мехкара кхерамзле лораяра тӀехьа теркалде дезарех дийцар дӀайихьача кхетаче. Вай мехкадас Келаматанаькъан Махьмуд-Ӏаьлас кулгал деш, цу оагӀонцара лоархӀамедараш доашхаш, хилар комиссе доакъашхой.
Къаьстта боккха теркам тӀабохийташ лорае езилга белгалдир хӀамаш йохка моттигаш, базараш, газ, ток лоаттаю, адам гуллуш йола моттигаш.
«Бахархой кхерамзле лораяр керттерча декхарех да! Наха болх беш йола, дукха адам гуллуш йола моттигаш я лорае езараш», - белгалдир вай Мехкадас. Ӏаьдала болхлоша, паччахьалкхен, юкъарлен моттигаша вӀаший бувзам лоаттабеш, цхьана дӀабахьа безаш; боккха, лоархӀаме болх ба из.
