Келаматанаькъан Махьмуд-Ӏаьла:Вай боккхача мехка низ цхьоагӀонца ба
Тушола бетта 18-ча дийнахьа вай мехко дездергда Россех ГӀирма оала республика хьакхийтта 11 шу дузаш хилар, из ди исторен оагӀонаш тӀа дусаргда лоархӀамеча деноех цаӀ санна.
«ГӀирман бӀаьсти» дикаxа хургдолчун белгало хинна дӀаэттар ГӀирман Республикан а ГӀала-турпал йолча Севастопола а бахархошта», - аьлар мехка Кулгалхочо.
Цо иштта тӀатехар, Россе низ вай цхьоагӀонца, барт хиларца ба, цо бу мохк а низ болаш.
Белгалду, 2014 шера ГӀирман бахархоша референдуме хьагойтар шоаш Россеца хила безам болаш хилар. 96,57% наха кхадж тессар цу лоархӀамеча хоржамашка, шоай лоӀаме хилара йола бокъонаш хьал а лоацаш.
Цу шера тушола бетта 17-ча дийнахьа ГӀирман республикан Лакхехьарча Совета хьакхайкадир ГӀирман Республика кортамукъа йола паччахьалкхе хилар; цул совгӀа, Севастополь-Шахьара къаьстта бокъонаш йола цӀи елар.
2014 шера, тушола бетта 18-ча дийнахьа ГӀирма Республико халкъашта юкъерча бартчӀоагӀама кулг яздир, ше Россе мехка чуйоагӀаш хиларах, из исторически оагӀув дӀа а чӀоагӀъяьй.
