Парламенте дийцар, призывной кампанех лаьца
Накануне прошло заседание рабочей группы при Народном Собрании РИ по содействию проведения военно-патриотического воспитания на территории РИ, посвященное ходу призывной кампании, сообщили газете «Сердало» в пресс-службе высшего представительного и законодательного органа республики.
Парламента спикерца ТIумхой Мухьмадаца, болх дIахьош, дакъа лоацаш хилар: депутаташ, боахамий викалаш, тIема комиссариата викалаш, иштта цхьацца йолча службай, организацей болхлой.
ГIалгIай Республика Парламента Спикера белгалдир, тахан, эггара бехктокхаме эттача хана, депутатий болх цу хаттара тIаберзабаь хила беза, аьнна.
Балха тоаба кулгалхочо Олиганаькъан Бадрудина, балха новкъосташта довзийтар ГIалгIай Республике гIолла кагийбарашта патриотически кхетам балара болча балха юкъе, ца хилча даргдоацар малагIа да, иштта йовзийтар прововой акташ. Цо иштта белгалдир, тIема-патриотически болх масса оагIорахьара шоайла бувзам болаш хила безалга. Кагийбарий совет, юнармейцаш, ветерани организацеш, вай кагий нах — тIема мугIарашка отта безаш хилар доаржадеш а, уж Российски Федераце, тешшаме, даьхе лораераш а болга хьалхадоаккхаш а хила беза.
Ше къамаьлдеш, кагийбарий Комитета говзанча Гоамакортанаькъан Мустафас белгалдир, тIема-патриотически центр вIашагIйоллаш хилар.
ДIахо къамаьлдаьраша белгалдир, ГIалгIайчен доазон тIа ДОСААФ материально-технически база тоаяра терко е езаш хилар, цул совгIа, ОБЖ кабинеташка дешара-гойтама пособеш а оборудовани а хила езалга.
ГIалгIай Республика ВК тIема службе гражданаш тIахьехара а уж кийчбара а йолча отделене кулгалхочо ГIаьнажанаькъан Рамзана дийцар, 2022-ча шера лайчилла бетта цхьоалагIча дийнахьа денз призывной компани дIахьош хиларах.
Эскаре Iамалде тIахьийхараш, Украине дIахьош йолча, лаьрххIача операце дакъа лаца бугаргбац. Шоай эскарера ха яьккха баьнначул тIехьагIа, уж юха шоай фусамашка цIабоагIаргба. Иштта, тIема-учетни истола болх а бийцар, эскаре ца бахара бахьанаш доахаш, юхагIертараш а белгалбир.
Заседане беррига доакъашхой цхьа уйла йолаш бар, кагийбарашта юкъе, уж лерттIа дIакхетабеш бола, болх дIабахьа безаш хилара хьакъехьа. Цул совгIа, наха хьалдоаккхаш хила деза, тIема службе хиннарашта малагIа хьалаш да, уж балха оттара малагIа новкъостал Iаьдало царна дергда.
Кхетаче йистейоалаш Олиганаькъан Бадрудина белгалдир, призывной компане болх саца йиш йолаш боацилга. «ТIема службе тIахьехаш бола болх дIа ца бихьача баргбоацарех ба, из РФ гражданина декхар да, Россе Конституце дIадехаш дола», — аьлар цо.
