Халкъа цхьоагӏон Ди долаш, Гӏалгӏайче «Цхьана - бӏарчча мохк» яха проект гойтар
Гӏалгӏай къам мехкахдаккхарах болча дагалоаттама даькъ тӏа «Цхьана - бӏарчча мохк» яха видеогойтам хьабийллар, из хетабаь бар халкъа цхьоагӏон Ди дездеш хилара. Проекто тӏахьех беррига бахархой вай Даьхен тайп-тайпарча гаьнара кепарча моттигашка хьажара, иштта цун мах бола культуран-исторически тӏехьале йовзара.
«Сердало» газетага гойтам вӏашагӏбеллараша ма аллара, цу зӏамигача гойтама чудоагӏаш хьажархой таро хургья ӏадатий гӏирсаш го. Уж да Россе дахаш долча къамаша тайп-тайпарча ханашка леладаь лаьрххӏа дола барзкъа, иштта царна довзаргда дукхача шерашкара хьадоагӏа ӏадаташ.
Гойтаме таро хургья хӏара къаман культуран хозале го.
Из болх вӏашагӏбеллараша яхачох, «Цхьана - бӏарчча мохк» яха проект хиларо таро лу къамашта юкъера гӏулакхаш чӏоагӏде, барт болаш даха. Гойтамо новкъостал ду хӏаранена цӏайна керттердар кхетаде - Россе къамий бокъонцахьа йола цхьоагӏо, шоайла лоархӏаш, барт болаш къамаш хиларца йолга.
