Укх шера, мангалеи аьтингеи бетташ юкъе лоацаш, баьча тохкамах, балха тIа ва 263 эзар саг, царна юкъера 183 эзар саг экономикаца бувзам лелабераш бар. Тахан регионе къахьег, 2 эзар балха меттигаш Iалашъе гIерташ.

Моажола бетта балха эттав 4625 эзар саг, тов бетта шоай моттигаш корайир 5504 эзар сага. Мехкдас деннача амарах, ца говш, болх бе йола яла езаш я йоккха предприятеш.

Царна юкъе я-«Южный» яха птицекомплекс, «БестБренд» яха завод, «Риал» предприяти, «Неон» яха блокий завод, маха баккхара кхуврч «4БРА», кога гIирс беш йола фабрика, Мужечера хьу чакхйоаккха завод. Уж балха меттигаш дIалийцай 500 саго.

Цул совгIа, новкъостал де лерхI шоаша цхьацца балхаш леладеча къахьегамхошта. Ерригача Россен «Россера болх» яхача балха меттиг нийсъеча базе 905 заявка чуенний, нах лакхача боараме Iомабергболаш. 533 саг хьожаваьв Iомавала.

Шоай кхетам лакхбеш хургба уж, Томскерча къаман тохкама университете, иштта къаман юртбоахама академе (РАНХи ГС).