Цига ловзаш белгалбаьннарех бар: Ваделанаькъан Анзор, ТIонганаькъан Iадал-Хьамид.

Хьалхара бургац, шоашца ловзаш йолча команда, чуяьккхар Анзора. «Ангушта» толам совбаьккхар, цул тIехьагIа дIачIоагI а бир, вай команда капитана ТIонганаькъан Iадал-хьамида.

«Ингфутбол. ру» редакцега яхачох, «юкъера ловзаш бараш дIабоахаш, уж хувца безаш хиннабале а, тренерий штабо шоай болх дика дIабахьарах, лерттIа кийчо йир цу деша, юкъера дIакъаьстачоа меттел дIахьожавер, йоаггIача бесса, цу ловзара кийчо яь хилар бахьан долаш дар из».

Къонача футболисташа дIахьош дола ловзар го безам болаш, укхаза вена хилар, гIалгIай спорта министр, Дошхьакълой Iаьла. Бераша цунна дог гIоздоаккхаш йола моттигаш, дукха а гойтар укх ловзаре.

Дукха дега тоам хилар цунна, цо ший аргIах берашта баркал аьлар из бахьан долаш.

ХIанз, укх сахьте, Кагийбарий футбола Юг даькъа тIа, ангуштовцаша ялхлагIа моттиг дIалоац. Цар чота тIа я 17 очко.

АргIанара ЮФЛ чуйоагIаш йола матч хургья, тау бетта ткъоалагIча дийнахьа, «Нальчик» ФШ командаца, цига дIа а баха.