Наьсарера команда Сколкове дешара шоллагӀа дакъа дӀахьош я
ГӀалгӀайчен Наьсарера команда «Хьаша тӀаэцаш йола шахьараш» яхача Сколкове дӀахьош йолча дешара программа юкъе дакъа лоацаш я. Цига керттера терко тӀайохийт шахьара хьалашта, туристически гӀишлошта, яхаш, хоам бу «Сердало» газетага ГӀалгӀай Республикан министрий кабинето. ГПЧ Къаман центра воккхагӀа волча тӀахьожамхочо, директора Ткаченко Максима, РФ шахьар дегӀайоалаяра керттерча тӀахьожамхочо Макиева Иринас, Къаман ESG-Альянса генеральни директора Шаронов Андрея, иштта кхычар а Россе шахьарашкара ена командаш Ӏомаю туризм дегӀайоалае. Программа лаьрхӀа я цхьан шера, цу юкъедоагӀаш да пхи дакъа», - аьлар хоамо.
Дешар йистедоалаш, командаша Ӏомадаь хургда шахьара экосистема,туризма проекташ тахкар,цу юкъе туризма даькъ тӀара болх лерттӀа дегӀабоалабе безаш хилар, доал деча даькъ тӀара экономисчески оагӀув дегӀайоалаяр цох тийша хилар юкъе а лоацаш.
«Наьсарен-Шахьара бюджет таханарча дийнхьа зӀамига я, къаьстта цу даькъ тӀа эшаш да, юкъера кхоачамбоацараш дӀа а доахаш, дӀахойодача хана из хьал тоадергдола никъ Ӏомабар. Цун кхоане я - шахьар, туризм дегӀайоалаяр, къайлагӀа болх лелаберашта тӀахьожам лоаттабар. Цудухьа тхо хьаллаьцар Йовлой Урусхана цу программан юкъе дакъа лацара», - аьлар Наьсарен-Шахьара кулгалхочун гӀонча йолча Мархенаькъан Миланас, из тахан командаца цхьана Ӏомалуш я.
Говзанчаша лоархӀаме да, аьнна, белгалду, цу тайпара дешара говзал Ӏомаяр, цига кердадараш хьех шахьара хьалаш тоадара, туризм дегӀайоалаяра даькъ тӀа.
