Россерча яхьашка дакъа лаьцар вай студенташа
11.09.2023 11:56
Суда гӀулакхах йолча Россерча йоккхача яхьашка дакъа лоацаш хилар вай паччахьалкхен университетерча юридически факультета студенткаш Цхьурой Мадина, Бекбузаранаькъан Аьсет, Хьаьшанаькъан Дали. Россерча тайп-тайпарча моттигашкара тӀаяьхка дукха тоабаш яр цига. Коталонга кхача ловш бар берригаш. Хьалхаяьннача бархӀ тоабаннна юкъе эттар вай мехкахой, дикка къахьийга.
«Юридически факультете дешаш болча Россерча дуккхача студенташта юкъе белгалбаьлар вай мехкахой. Шоай дешарца Ӏомаяь говзал дӀагойта аьттув хилар цар. Сертификаташ денна, дӀахо а иштта дика толамаш доахаш дӀабаха даькъалабийцар уж цига хиннача кхелахоша», — дийцар тхога университете.
