Кагирхой проекташ кхоачашъе 65 млн сом лургда
08.09.2023 14:40
Ший проекташ кхоачашъе 65 млн сом лургда ГӀалгӀайчен кагирхой гӀулакхех йолча комитета 2024 шера, яхаш, дийцар «Сердало» газетага мехка министрий кабинете.
«Кагирхой политикан керттера моттиг котъяьлар «Кагирхошта бола мохк» яхача яхье, цудухьа хьатӀадоагӀача шера из ахча царна хьахьожадергда.
Яхь дӀахьош я «Россе кагирхой» яхача федеральни проектах, иштта «Дешар» яхача къаман проектах.
Ахчанцара новкъостал паччахьалкхено дӀадохийтаргда кагирхой политика дегӀайоалаяра», — йоах хоамо.
Цул совгӀа, вай кагирхошта 7,7 млн сом деннад «Сафмар» яхача Гуцаранаькъан Микаила ганзо, из лаьрхӀа да дукха балхаш чудоагӀаш йола центр хьалъяра.
