Из хоам «Сердало» газетага бу цигарча викалаша. Пайдане долаш, хилар из вӀашагӀкхетар. Хьаьшаша дийцар, спорта никъ дӀахьош шоай вахаре мел нийсденнарех, догьэккхаш ихача деноех, иштта кхыдарех а.

«КӀалхарвалар» яхача ганза хьалхалаттача Саганаькъан Микаила дийцар, хӀара денна шоай дегӀаца болх беш, наркоманех тоабенна дӀабахарех. «Чингиз» яхача спорта клуба кулгалхочо БӀарахой Джабраила моллагӀча хӀаман тӀехьа эшаргдола масал гойтар царна.

Чахкенаькъан Рахьима вахарера дукха хӀамаш хезар гулбеннарашта. Чемпиона белгалдир, унахцӀено лораяр мел лоархӀаме да, из эшаенна хиларо деррига кӀалдутилгах», - белгалдир кагирхой гӀулакхех йолча комитета болхло волча Хантиганаькъан Заьлмахас. Тайп-тайпара хаттараш дола викторина дӀайихьар цига.

Масала, эггара йоккхагӀа йола комар, эггара къаьнагӀа йола шахьар, иштта вай гербаца дувзаденнараш а. Котбаьннарашта делар, шин дийнахьа «Ӏарамхи» курорте салаӀа аьттув луш дола сертификат.