«ГӀибухерча тӀема куран штаба оттадаьчох, шоай лоӀаме тӀема декхараш кхоачашде ловрашта юкъера 668 саг харжа везаш вар. Лакха толамаш доахаш, белгалбаьннаб тӀема операцен юкъе дакъа лоацаш бола вай мехкахой: 3 - Россе турпалаш, Денала орденаш - 53, майдилгаш - 48, Жукова цӀерах йола майдалгаш - 17, Суворова цӀерах йола майдилгаш - 13, Даьхен хьалхашка белгалбаларах йола майдилгаш - 6, иштта кхыяраш а. Вай республико доккха гӀо ду тӀема операцен юкъе болча бӀухошта.

Массехказа новкъостал дахьийтад царна, эшачунга хьожаш болх лоаттабу. 500 тоннага кхоачаш хӀамаш яхьийтай бӀухошта вай мехкара . Цу юкъе я молхаш, кхача, хий, тайп-тайпара гӀирс. ТӀема гӀирс – 101 000, бувзам лоаттабе, разведке, моттигаш тахка эшараш - 1 300. 16 тайп-тайпара машинаш еннай бӀухошта(«Лада», «Нива», УАЗ «Патриот», Тойота хайлюкс).

ТӀема декхараш кхоачашдеш, геттара чӀоагӀа эшаш машинаш я уж. Царна гӀо деш доккха дакъа лаьцад политикаша, бизнесменаша, паччахьалкхен моттигаша. Шоай лоӀамагӀа цига баха ловраш хоржаш моттиг я вай мехка хьайийлла. 790,8 млн сом ахча дахьийтад тӀема операцен гӀо деш вай мехкара, царна юкъера 255, 7 млн сом республикан ганзера рузкъа да.

БӀаьсти, гурахьа кагирхой эскаре амал де тӀабехаш бола болх ба, вайцига ший ханнахьа дӀахьош. Вай къаман къонгаш массахана денал, майрал гойташ, яхь йолаш, шоай декхараш кхоачашдеш хьабаьхкаб эскаре.