Липецке дайихьар инарала Осканаькъан С.С. болча дагалоаттама Герзашцарча низий Кубок
21.09.2026 14:11
Липецке хилар Россе Герзашцарча низий Кубок яккхара тӏехьа яьржа герз кхоссара яхьаш. Из каст-каста дахьош я, духхьашха из хилар 2023 шера цӏихезача тӏема летчика, Гӏалгӏайчен вахархочун, Российски Федераце хьалхарча Турпалхочун, авиаце инарала-майора Осканаькъан Сулумбика хетаяь.
«Сердало» газетага массазарча викала ма аллара, кхетачен хьаьша вар Гӏалгӏайчера Липецки областе викал ваь Бекботанаькъан Бейӏал, цо дакъа лаьцар цу кхетачене. Цо делар тоабан юкъара котало яьккхарашта керттера совгӏат.
Белгалду, тӏема гӏулакх леладерашца цхьана дакъа лоацаш хилар къона эскархой, кадеташ. Кхувш йоагӏача тӏехьенна Осканаькъан Сулумбика карагӏдаьннар даим хургда бокъонца долча денала масал.
