«Магас -2026» спорта, культуран фестивале дакъа лоацаш хилар кванторианцаш
Шахьарерча хьакимаша, «Даьхен лорбой» яхача ганза хьаллоацаш, «О-Трейл» яхача компане дӏайихьача «Магас -2026» спорта, культуран фестивале шоай кхетама, говзала таронаш гойташ хилар мехкарча «Кванториум» яхача берий технопарка доакъашхой.
«Россе къамий цхьоагӏон Шера хетаяьча кхетаче гулбеннабар тайп-тайпарча ханага кхаьчараш – бераш, боккхийбараш. «Бовдара» юкъе дакъа лоацаш хилар 600 совгӏа вахархо. Фестивала программан юкъе «Кванториума» хьехархоша, дешархоша проектай гойтам кийчбаьбар, иштта гойтама балхаш хьекхар эггара зӏамагӏчарна. Керда технологеш йовза; къонача инженераша, говзанчаша шоай кулгашца хьакхелла балхаш довза; иштта шоай кхетама хьал тахка аьттув бар дакъа лоацаш хиннарий», - йоах тхога бенача хоамо.
«Магасе бовдар» яха кхетаче вӏашагӏъелларашта доккха баркал оал оаха; спортацарча цӏайна юкъе дакъа лаца, берашта, кагирхошта юкъе ӏилман-технически оагӏонцара кердадараш довзийта, доаржаде аьттув баларах. Хьаьшашта оахош леладер дезаденна чӏоагӏа дега тоам хинна да тхо, дӏахо а доккхий толамаш даха низ чубенна», - аьлар «Кванториума» кулгал деча Янданаькъан Салмана.
