«Со ГӀалгӀай мехка хӀанз диазлагӀа венав. ЧӀоагӀа тамашийна хоза мохк ба ер, дукха беркате нах бахаш. Укх республике ва кхераш вар, шийна укх мехках хӀама ца харах кхераш ва. Ер хоза моттиг, дика нах массахана са дег чу бахаргба», — дийцар лагере ха йоаккхаш хиннача Байц Валерияс. Къонача хьаьшашта дӀахьекхар Маьтлоам, Лаьжгера кхуркхолг. Къаман истори, Ӏадаташ, хоза оамалаш йовзаш ха яьккхар цар. Цул совгӀа, вай къаман даараш довзийтар хьаьшашта. Федеральни а вайцигарча а моттигаша хьаллоацаш, дӀадихьар из гӀулакх. «Бейни-2023» яхача чаьтарий лагере дукха кагирхой шоайла байзар, бувзамаш чӀоагӀдир.