Из хоам бу Iалама гIулакхах йолча министерствон болхлоша. Хьунашка цIераш ювла ха, бIаьстан хьалхарча бетта 13-ча денгара гуйран тIехьарча беттага кхаччалца, латт аьнна кхайкадаьд Iалам лорадераша. ЦIерцара хатараш хургдоацаш, хьунашта тIахьожам лоаттабу хIара денна.

Цул совгIа, хьунагIа, гаьнаш йолча моттигашка кхаьчача лораде дезараш хьалхадоахаш, бахархошца болх дIакхухь тахан. «Хьунашка цIераш йоагаяр, йокъаенна йоархаш е кхыйола хIамаш цига летаяр, Iаьдало гIод тохаш гIулакх да. Нагахьа хьунагIа цIи яьнна моттиг хилча, хье ца луш, телефон дIатоха еза укх номерах: 8-800-100-94-00», — хоам бу цу гIулакха бехктокхаме болча болхлоша.