«Керда техника дукха хIама карагIдоалаш йола трактораш я, нагахьа санна цIи яьнна моттиг хуле уж цигача сихонца этта хатар юстара даккхара накъа яргйолаш я, цул совгIа, хьуна боахамаш леладара, минералашца цхьацца долча хьуна оасашка кийчо яра, иштта кхыйола мероприятеш дIаяхьара эшаш я уж.

Цу тракторий шоай белггала йола чIоагIонаш а дикал а я — кабинашка гаьний ткъовронаш хьалчуювлац, миччахьа гIолла дIайохалуш а я уж, лоаццача хана эггара халагIа йолча моттигашка гIолла лел уж», — аьлар цу боахама пресс-служба.

Хьуна цIи ялара центра говзанчаша шоай болх дика вIашагIболларца а, иштта дикал лакха йола техника хиларо а таро хулийтаргья региона хьуна боахамашка цIи ялара духьала отта а, уж кIезигагIа хилийта а.

Хьалхадоаккх, карарча шера, цу тайпара хьу лораяра а из дегIайоалаяра а деш дола юртбоахама балхаш дIадахьара йола техника, вай ГIалгIайче хьалхара ений.