ГӀалгӀай мехка бахача таджикий викало террористаша даь хатар къоабалданзар
ГӀалгӀайчен дукхача къамех латтача халкъа таьзет да «Крокус Сити Холле» нийсденнар, нах чӀоагӀа духьала ба; маьршача наха герз детташ, уж боабаь хилара; террористий бӀехача гӀозаро из ийрча зулам даь хилара. ЛаьрххӀача кхайкаралца къамаьл дир республике бахаш болча таджикий викала Рашидов Акбара.
«Аз кодам бувц селхан Подмосковье нийсденнача хатарах байначар гаргарча нахага. АллахӀо аттача доаккхалда цар хьал, тӀабена бала. Тхона хала хет, цу нах ба ала йиш йоацача бӀехача гӀозаро маьрша нах боабаь хилар. Цхьанна а дино яхац саг ве. Бусалба дино хӀаьта а яхац саг ве. Цул совгӀа, укх безача Рамадан бетта сага халахетар де а. Ер бутт къиноех цӀенвалара, къахетаме хилара бутт ба.
Аз кхайкарал ду ГӀалгӀайчен бахархошка, барт- цхьоагӀо лорадеш, вай дохаде гӀерташ болча наха тӀехьа доацаш хилара тӀахьехаш. Цхьана хиларца ба низ, иштта мара терроризма духьалъотталургдац», - аьлар Акбар Махбубовича.
