ГӀалгӀай къаман
юкъара газет

Кердадараш

Келаматанаькъан Махьмуд-Iаьлас республикан бахархой даькъалабийцар ГIалгIайче Россех дIакхийтта Ди хиларца

Глава Ингушетии Махмуд-Али Калиматов подчеркнул, что связав свою судьбу с Россией, ингушский народ получил возможность для всестороннего развития.

«Тахан вай дездергда ший лоIамагIа ГIалгIайче Россе паччахьалкхенах дIакхийтта хилар. Вай юха а юха а белгалду, вай къоаноша, уйла а яь, хьаькъал долаш, дIахойодача хана халкъа исторе никъ белгалбеш бола оагIув хержа хилар.

Россех ГIалгIайче дIакхетар чIоагIа лард хинна дIаэттар, цун тIехьа вай паччахьалкхе а хилар. Россеца шоай вахар хеттача гIалгIай къаман таро хилар массе оагIорахьа дегIааха, ший Iадаташ а ца доадеш, дунен тIарча культуран юкъе хила.

ГIалгIайчено, хьамсарча Даьхен исторенна юкъе, ший мугIараш кIезига денадац.
Таханара Россе вахар кхоллаш дукха халонаш а цатоамаш а нийсденнад.

Тахан ГIалгIайчено доккха дакъа юкъехьу, вай боккхача мехка вахар машаре хилийтара. Республика ди тIехьагIа чIоагIагIа дегIайоагIаш латт, цун вахара политика чIоагIлуш латт, цу тIехьа наьха вахар тоалуш доагIа. Цунна керте латтар — вай къаман къахьегам, мехка федеральни центра новкъостал.

Со тешаш ва, вай дIахо а халкъа хьаькъалца, цун хьинарца мохк дегIабоалабарах дIахо а воашкара эшар дергхиларах. ГIалгIайче хоза дегIабоагIаш бола мохк хилийтара, беррига россиянаш тIаозаш хилийтара цхьана барт болаш къахьегаргда вай.

Хьамсара ГIалгIайчен дахархой! Аз дег чура даькъаладувц шо, могаш, ираз долаш хилда шо а вай мохк а — машар, хозле хийла!» — аьннад ГIалгIай Республикан кхайкарал тIа.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде