Келматанаькъан Махьмуд-Iаьла: «Укх халача хана вай декхар — Даьхе хьаллацар»
«Во все времена военная служба в нашем народе считалась самым почетным и уважаемым занятием для мужчины. И в такой тяжелый период наш долг — поддержать наше Отечество и оставить достойный след в истории России, как это сделали, демонстрируя отвагу, наши предки», — подчеркнул Глава Ингушетии Махмуд-Али Калиматов на встрече с депутатами Народного Собрания, где обсуждались в том числе и вопросы, связанные с частичной мобилизацией.
«Ши шу хьалха ГIалгIайчено белгалдир, Россеца дIакхийтта 250-шу дизара Ди. Цу лоархIамеча каьхата кулг яздаьд лоархIаш долча гIалгIай 24 тайпо, вай къаман вахаре доккха дакъа дIа а лаьцад.
Россе дIахьош хиннача дукхача тIемашка дIа а болхаш доккха дакъа юкъедахьаш, латаш хьабаьхкарех ба гIалгIай бIухой. ЗIамигача, 50 эзар саг мара воацача гIалгIай къаман, цу хана, пхиъ инарал хиннав. Царех дукхабараш эггара чIоагIа дола тIема совгIаташ денна а хиннаб.
ГIалгIай служба дIахьош хиннаб моттигерча администрацешка, кхыметтел, Россе император къаьстта лоравеш а хиннаб. Цхьа моттиг нийсъеннаяц цар тийша болх баь», — аьлар Келматанаькъан Махьмуд-Iаьлас тIехьагIа ший Телеграма хьатIаязбеннарашка.
Тахан Донбассе, Россе дIахьош йолча лаьрххIача операце дакъа лоацаш дукха ба вай къаман бизза бола къонахий, царна «За отвагу» майдилгаш а, Денал гойтарах йола орденаш а енний. Царех ва 30-шу даьнна капитан Хамхой Адам. Из ва Рязанерча лакхача воздушно-десантни командни училища выпускник. Цо денал, майрал гойташ баьча тIем тIа цунна, Российски Федераце Турпал аьнна еза цIи енний.
