Удмурте боабаьрий дезалашка, царца хало екъаш, йист хилар вай Мехкда
«Трагические новости приходят сегодня из Удмуртской Республики. Вооруженный человек напал в школе на беззащитных людей. Пострадали дети и взрослые сотрудники школьной администрации», — отметил Глава РИ.
Удмурти кулгалдеча Бречалов Александра хоам бу, Ижевскерча ишколе 13 сага вахар хаьдад аьнна. Царна юкъе да ийс бер. Лозабаь бадараш 23 саг ва, царна юкъе да — 20 бер. Кхаь дийнахьа таьзет кхайкадаьд Удмурте.
Ижевскерча № 88 йолча ишколе наха герз дийттачул тIехьагIа, шийна теха веннав бIеха зуламхо. Къамаш къестадеча наьха, барзкъий белгало йолаш хиннав из зуламхо.
Келматанаькъан Махьмуд-Iаьлас белгалдир, цхьаккха хIаман бехке доацача берашта тIакховдар, эггара бIехагIа волча сага мара карагIдаргдац аьнна.
Нах боабаьрий дезалашца цар гIайгIа, бала бекъаш ва Мехкда. Лозабаьрашта моаршал хилда!
