ГӀалгӀай къаман
юкъара газет

Кердадараш

Спортацара марафон дIайихьар Магасе

Наха низ бар яхача зулама духьале лоаттаеча денна хетаяь, йоккха спортацара марафон дIайихьар Магасе. Из болх дагабехар яр шахьара мэри, кагирхой гӀулакхех йола республикера комитет.

«Мехкарча тайп-тайпарча моттигашкара 100 саг гулвеннавар цига. Армрестлингах (кулгаш гIортадарах), баскетболах, волейболах, футболах йола яхьаш дӀайихьар шахьаре. Тайп-тайпара ха яьнна нах бар доакъашхой. Котбаьннарашта кхаьчар деза совгӀаташ, грамоташ», — йоах тхогарча хоамо. «Яхьаш дӀаяхьара керттера бахьан, кагирхой ма хулла спорта тӀахьехарца дувзаденна да. Вай массане кхетаде деза, спорт кхувш латтача тӀехьен вахаре хиланза баргбоаца оагӀув болга. АллахӀа лораболба вай кагирхой харцача наькъах, тувлбеннача новкъостех!» — белгалдир КДМ болхло волча Хантиганаькъан Заьмахас.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде