ГӀалгӀайче къонача суртанчашта лаьрхӀа говзанч-класс хилар
05.09.2023 15:57
Наьсарен берий исбахьален ишкола кулгалхочо Мержой Лидифас къонача суртанчашта лаьрхӀа говзанч-класс елар. «Дешархошта лаьрхӀа культура» яхача Ерригроссе культурни дешара моттигашта юкъера проект кхоачашъеш, берий таро хилар тамашийна говзал йола суртанча йовза.
«Говзанч-класс гойташ хержар форда хозален сурт. Мержой Лидифас берашта дийцар шийна ховш дар, ший балха говзал царца йийкъар, иштта дийцар шийна дукхагӀа дезача лостамех. Берашца кхы а говзал Ӏомаеш йола массехк вӀашагӀкхетар дӀадахьа лерхӀ, цига шоаш Ӏомадаьчох пайда эцаргболаш. Говзанч-класс луш хинначо аьлар, ше берашта дӀахо а новкъостал дергда, аьнна, хоза сурташ дахка уж Ӏомабеш», — дийцар «Сердало» газетага ГӀалгӀайчен культуран министерстве.
