Гӏалгӏайчен боксёраш яхьебаьлар Соагӏапчен ФОКе
Гӏалгӏайчен тайп-тайпарча дешара доакъош тӏара тӏоарска кулгахйоаллорга говзанчаш яхьебаьлар Соагӏапчен ФОКе. Боксах йолча яхьо гулбир эггара хьинар дола доакъашхой.
«Котваьннар яха цӏи яккха дагахьа, яхьаш дӏахьош хилар Ачалкхера, Заьзгакъонгий-Юртара, Соагӏапчара, Магӏалбик-Шахьарера спортивни ишколаш. Алерой Амира кулгал деш болча спортсменаша дика толамаш даьхар.
Боксерашта 9 дошо, 9 дото майдилг, тоабашта юкъе хьалхара моттиг елар. Цу халача яхье котало яьккхар Батижанаькъан Мухьаммада, Тоачанаькъан Жабраила, Кхоартой Рахьмана, Ченхоевгӏар Беслана, Алерой Мухьаммада, Коттоевгӏар Ӏумара, Чертоевгӏар Рахьима, Магомадовгӏар Расула, Висаитовгӏар Малика. Дото совгӏаташ даьхар Тӏерлой Самира, Энгиноевгӏар Рахьима, Ченхоевгӏар Мансура, Батижанаькъан Малика, Центарой Заьлмахас, Бохтаранаькъан Мухьмад-Саида, Солтукиевгӏар Сайт-Ахьмада, Тоачанаькъан Жамбулата, Чантенаькъан Юсуфа.
Хоамо ма аллара, из кхетаче дӏахьош яр Сийлахь-боккхача тӏем тӏа Котало яьккха 81 шу дузаш хилара хетаяь. Цун керттера маӏан дар исторически дагалоаттам лорабар.
