Россе Турпалхочун нанас РФ Президента хоржамашка дакъа лаьцар
16.03.2024 11:18
Россе Турпалхочун Хьоашаланаькъан Султана нанас Шолжерча хоржамий даькъ тӀа кхадж тессар, хьалхарчарех цаӀ йолаш, яхаш, дийцар «Сердало» газетага шахьара администраце.
«Ший мехка хургдолчун тӀехьа кхадж тассар, Россе хӀара сага декхар да», - аьлар Хьоашаланаькъан Хаде; ше цу лоархӀамеча, ерригроссе хӀарман-политически моттигах дувцаш.
Россе Президент хоржаш кхадж тоссача шоллагӀча дийнахьа, нах дика хьабоагӀаш а бар, хоржамаш паргӀата дӀахьош а дар. Сайрийна 8 сахьат даллалца, шоашта бакъахьа хетачоа тӀехьа кхадж тессар наха.
